Overseas Voting, mas pinaigting ng pagsasanib-puwersa ng TFC, COMELEC at DFA

Mas marami pang OFs,nais hikayatin ng information campaign ng OV Act implementing arm COMELEC, deputized agency na DFA OVS & premier network na TFC sa tripartite partnership
 
QUEZON CITY, Philippines - Oct. 15, 2015 - PRLog -- Para pag-ibayuhin ang kampanya para hikayatin ang mga overseas Filipino (OF) na bumoto para sa 2016 elections, nakipagsanib-puwersa na ang Commission on Elections Office of the Overseas Voting (COMELEC OFOV) sa The Filipino Channel (TFC) at Department of Foreign Affairs Overseas Voting Secretariat (DFA OVS) sa pormal na seremonyas kamakailan sa ABS-CBN Corporation headquarters sa Quezon City.

Ikinagagalak ni COMELEC OFOV Chairman Commissioner Arthur Lim ang partnership dahil ito ang isa sa mga milestones ng ahensya sa unang buwan pa lamang ng kaniyang pagkakaupo.  Ayon kay Lim, “Without media partners like ABS-CBN TFC, our premier network, local as well as global, we would not be able to really undertake, much less expect a degree of success in the implementation of our law on OV.  I am very happy we have this MOA because through this, we have an assured and effective way of disseminating information.”

Layunin ng tripartite agreement na palawigin pa ang awareness campaign para sa overseas vote; hikayatin ang mga OFs para mag-register; at sa huli’y himukin silang maging responsableng mamamayan sa pamamagitan ng kanilang pagboto para sa mga susunod na mamumuno ng ating bayan.

Sa pahayag ni ABS-CBN Global Ltd. Philippine Branch Managing Director for Asia Pacific Ailene Averion, na binasa ni Customer Relations Management Head Allie dela Cruz, “I understand the crucial role that TFC as the premier network and as part of the private sector holds in terms of building our nation.  Like parts of a whole, one sector cannot entirely function without the other so we join both these good agencies for the wheels of nation-building to keep on turning.”

Kasama ni dela Cruz ang iba pang officers ng TFC tulad nina ABS-CBN Global Head of Content Ned Legaspi, Regional Finance Officer for Asia Pacific Lawrence Reyes at host na si ABS-CBN Japan Inc. Country Manager Chris Santos.

Ayon naman kay DFA – OVS Chairman Undersecretary Rafael Seguis, umaasa silang makukumbinse pa nila ang mas maraming registered OFs na maging voters sa pamamagitan ng partnership na ito.  Ayon sa kaniya “Last January, we breached the 1 million mark of active registered voters.  To date, there are 712,938 new qualified registered overseas voters.  By the end of the registration period, we expect this figure to breach the 800,000 mark.  With this tripartite partnership, we are looking at more milestones to come.”

Una nang nagsama ang TFC at DFA para sa isang Memorandum of Agreement (MOA) noong August 26 para sa information campaign.  Simula noon, binuksan na ng TFC ang lahat ng platforms nito para palawigin ang overseas vote.

Noong Agosto, inilunsad ng TFC ang isang public service announcement (PSA) para ipakita na mas madali na ngayon ang pag-rehistro dahil sa i-rehistro.   Tampok ang batang-bata ngunit respetadong broadcast journalist na si Atom Araullo, ipinakita ng PSA ang easy steps na dapat sundin para mag-register sa irehistro.comelec.gov.ph

Mapapanood ang PSA sa lahat ng continents sa pamamagitan ng platforms ng TFC mula IPTV, satellite, cable, mobile at online.  Mapapanood din ito sa pamamagitan ng seafarer service ng TFC na may partners na lumalayag sa 150 na bansa.  Sa pamamagitan din ng community boards at social networking sites nito worldwide, ibinabahagi ng TFC ang mga important updates sa OV lalo na at papalapit na ang October 31 deadline ng registration.

Binubuksan din ng TFC ang event nito para sa mga off-site registration ng COMELEC at DFA OVS.  Sa makasaysayang “ASAP 20 Live in London,” nag-register ang mga Filipino na nasa one-day concert noong September 6 sa SSE Wembley Arena para ipagdiwang ang “Galing ng Filipino.”  Noong September 20, sa OKGo! Australia tumungo ang higit sa 100 na mga Filipino sa Philippine Consulate booth para i-avail ang consular services, kasama na ang para sa mobile registration.

Sa Japan naman, mahigit sa 300 na Filipino ng nag-register sa two-day “Philippine Festival” ng Philippine Festival Organizing Committee at Philippine Embassy, kung saan media partner ang TFC.

Sa darating na TFC@theMovies screening sa Nexus Auditorium, 5 Koek Road Singapore 228796 sa October 18, ibabahagi naman ng Philippine Embassy ang kahalagahan ng pagboto.

Ang mga OFs ay hinihikayat na magregister online sa irehistro.comelec.gov.ph, i-print ang form, dalhin ang kanilang valid ID at magpa-biometrics sa mobile registration centers.

Sa Pilipinas, maaaring mag-register sa 13 overseas registration centers (OVRC) sa Pilipinas.  Ito ay ang mga sumusunod: DFA Regional Consular Office sa Davao, San Fernando, Pampanga, Cebu, at DFA Satellite Offices sa Robinsons Galleria, SM Manila & Ali Mall; DFA Office of Consular Affairs sa ASEAN Business Park in Paranaque; NAIA Terminals 1 to 3 sa Pasay City, POEA sa Ortigas, Mandaluyong, & Philippine Transmarine Carriers Inc. sa Makati City, Marina & Kalaw City, Manila; at CFO sa Osmeña sa Manila, & OWWA Training Center sa Intramuros kung saan nag-register si ABS-CBN Middle East, Europe & Africa (EMEA) News Bureau Chief Danny Buenafe & Head of News Gathering Dindo Amparo nang pinasinayaan ang mga ito.

Ang deadline para overseas voting registration ay sa October 31, 2015.  Samantala, ang voting period para sa OFs para sa 2016 Presidential Elections ay mula April hanggang May 9, 2015.  Para sa karagdagang impormasyon, bisitahin ang www.dfa-oavs.gov.ph at www. comelec.gov.ph  Panoorin ang iba pang updates sa TFC community board na Global Post (What’s Up in the Middle East), Balitang Global at facebook pages worldwide.

Contact
ABS-CBN Global Ltd.
***@gmail.com
End
Source: » Follow
Email:***@gmail.com
Tags:Tfc, COMELEC, Dfa
Industry:Media
Location:Quezon City - Metro Manila - Philippines
Subject:Partnerships
Account Email Address Verified     Account Phone Number Verified     Disclaimer     Report Abuse
ABS-CBN Global Ltd. News
Trending
Most Viewed
Daily News



Like PRLog?
9K2K1K
Click to Share