“ASAP Live in Dubai” ng ABS-CBN TFC, ngayong Biyernes na!

Higanteng Kapamilya stars, magsasanib-pwersa sa biggest Filipino event sa Middle East
 
Jan. 20, 2014 - PRLog -- Magsasanib-pwersa na ang mahigit 40 sa pinakamaningning na bituin sa Pinoy showbiz ngayong Biyernes (Enero 24) sa Dubai Festival City para sa pinakapinananabikang “ASAP Live in Dubai” ng The Filipino Channel (TFC) at ABS-CBN.

Pakikislapin ang kauna-unahang show ng “ASAP” sa Middle East ng buong ASAP Kapamilya sa pangunguna nina Mr. Pure Energy Gary Valenciano, Concert King Martin Nievera, Ultimate Showgirl Vina Morales, at Divine Diva ZsaZsa Padilla.

Kaabang-abang sa “ASAP Live in Dubai” na opisyal na bahagi ng 2014 Dubai Shopping Festival, ang musical experience extraordinaire na handog ng world-class Filipino singers gaya nina Charice, Bamboo, Jed Madela, Angeline Quinto, Erik Santos, Yeng Constantino, KZ Tandingan, Jovit Baldivino, Marcelito Pomoy, Zia Quizon, at ASAP Sessionistas na binubuo nina Aiza Seguerra, Juris, Princess, Richard Poon at Sitti. Makakasama ng ASAP Sessionistas sa kanilang makatindig-balahibong jamming session si Cris Bernardo, ang kauna-unahang nagwagi sa singing competition ng TFC na “TFCKat.”

Aapaw ang kilig sa Dubai sa handog na haranang ‘tatak-Kapamilya’ ng Kapamilya heartthrobs na sina Piolo Pascual, Sam Milby, Gerald Anderson, Enchong Dee, Enrique Gil, at John Lloyd Cruz; kasama ang teleserye sweethearts na sina Kim Chiu, Julia Montes, at Erich Gonzales.

Gagawing mas espesyal ang programa ng mga inihandang sorpresa ng “Be Careful With My Heart” leading man na si Richard ‘Ser Chief’ Yap, “Maria Mercedes” star Jessy Mendiola at “The Legal Wife” team-up nina Angel Locsin at Jericho Rosales.

Tiyak na mapapaindak naman ang lahat sa mga pausing dance moves ng ASAP Supahdancers kabilang sina Rayver Cruz, John Pratts, at Iya Villania, at ang MASH duo nina Maja Salvador at Shaina Magdayao.

Sina Toni Gonzaga, Nikki Gil, Luis Manzano at Robi Domingo ang magiging hosts ng makasaysayang event ng longest-running musical-variety show ng Pilipinas.

Magkakaraoon ang “ASAP Live in Dubai” ng dalawang magkaibang show sa Biyernes—ang una ay magsisimula ng 4 p.m. (2 p.m. magbubukas ang gates), samantalang ang huli ay gaganapin ng 9 p.m. (7 p.m. magbubukas ang gates).

Mabibili ang tickets para sa “ASAP Live in Dubai” sa halagang AED 365 para sa platinum, AED 245 para sa gold, AED 165 para sa grandstand at AED 85 para sa general admission.  Ang bawat ticket ay valid para sa isang show lamang.

Samantala, mapapanood nang libre ngayong Miyerkules (ika-22 ng Enero) ang live coverage ng press conference ng “ASAP Live in Dubai” sa in United Arab Emirates (U.A.E.). Gaganapin ito mula 11 p.m. hanggang 1 a.m. Manila time (7 p.m. to 9 p.m. Dubai time) sa TFC.tv.   Mag-register lang sa tfc.tv/ASAPDubai2014.

May ‘Special Barkada Promo’ para sa mga bibili ng grandstand and regular tickets samantalang malalaking discounts and freebies naman ang naghihintay para sa mga magiging online ‘ASAP Ambassadors.’

Sa back-to-back shows ng "ASAP Live in Dubai," maaaring bumisita ang audience members sa special booth ng ABS-CBN Store, kung saan makakabili ng event souvenirs gaya ng T-shirts, tumblers, button pins at iba pang novelty items; ASAP official merchandise; at TFC novelty items. Mabibili rin sa booth ang 'Tulong Shirts' ng ABS-CBN Sagip Kapamilya.

Sa Pilipinas, maaaring mabili ang ASAP official merchandise sa ABS-CBN Store. Tuwing live episodes ng Linggo, mabibili ang items sa ABS-CBN Audience Entrance. Para sa iba pang impormasyon tungkol sa ABS-CBN products, bumisita sa store.abs-cbn.com o sa facebook.com/TheABSCBNStore.

Para sa karagdagang detalye kaugnay ng "ASAP Live in Dubai," bumisita lamang sa www.facebook.com/TFCMiddleEast.

Media Contact
ABS-CBN Global Ltd.
***@abs-cbn.com
4152272
End
Source: » Follow
Email:***@abs-cbn.com
Posted By:***@abs-cbn.com Email Verified
Tags:Tfc, Asap, Gary Valenciano, Kapamilya Stars, ASAP 2014
Industry:Entertainment, Event
Subject:Events
Account Email Address Verified     Account Phone Number Verified     Disclaimer     Report Abuse
ABS-CBN Global Ltd. News
Trending
Most Viewed
Daily News



Like PRLog?
9K2K1K
Click to Share