It’s Showtime, handog ang star-studded concert sa pagdiriwang ng ‘ANIMversary’ sa TFC

QUEZON CITY, Philippines - Sept. 23, 2015 - PRLog -- Bilang pasasalamat at pagdiriwang sa anim na taong pagsuporta ng madlang people, isang engrande at star-studded na concert ang handog ng “It’s Showtime” sa “It’s Showtime Kapamilya Day: The ANIMversary Kick-Off,” ngayong Sabado (September 26) na mapapanood sa TFC worldwide.

Samahan ang buong barkadahan nina Vice Ganda, Anne Curtis, Vhong Navarro, Billy Crawford, Karylle, Kuya Kim Atienza, Jhong Hilario, Jugs Jugueta at Teddy Corpuz, Coleen Garcia, Ryan Bang, at Eruption sa pagtitipon ng pinakamalalaking Kapamilya stars upang opisyal na simulan ang isang buwang pagdiriwang ng programa na gaganapin sa Araneta Coliseum sa Quezon City.

Abangan sa Sabado ang nakakakilig na performances mula sa Kapamilya loveteams na sina Kathryn Bernardo at Daniel Padilla (KathNiel), Nadine Lustre at James Reid (JaDine), Liza Soberano at Enrique Gil (LizQuen), at Kim Chiu at Xian Lim (KimXi).

Hindi rin magpapahuli sa selebrasyon ang Queen of All Media na si Kris Aquino, Primetime King na si Coco Martin, “Pangako Sa ‘Yo” stars na sina Jodi Sta. Maria, Ian Veneracion, Angelica Panganiban, at Andrea Brillantes, at ang “Nathaniel” child stars na sina Marco Masa at Yesha Camille.

Lalo pang magpapainit ng tanghali ang “Pasion de Amor” cast na kinabibilangan nina Jake Cuenca, Arci Munoz, Ejay Falcon, Ellen Adarna, Joseph Marco, at Garcia, kasama sina Vina Morales, Richard Yap, Denise Joaquin, at Christian Vasquez na tampok sa seryeng “Nasaan Ka Nang Kailangan Kita.”

Makikisaya rin sa ANIMversary kick-off ang Kapamilya stars na sina Julia Montes at EA Guzman ng “Doble Kara, at JM De Guzman at Yen Santos ng “All of Me.”

Espesyal na performances din ang handog ng “PBB 737” Teen Big Four na sina Jimboy, Ylona, Bailey at Franco, at nina Elha Nympha, Reynan Dal-anay, Esang de Torres, at Sassa Dagdag ng “The Voice Kids” Season 2.

Huwag palampasin ang “It’s Showtime Kapamilya Day: The ANIMversary Kick-Off” ngayong Sabado (September 26) sa TFC worldwide.  Mapapanood din ang “It’s Showtime Kapamilya Day: The ANIMversary Kick-Off” ng live sa TFC platforms sa Asia Pacific at via livestream sa official online service ng TFC, ang TFC.tv

Para sa updates ng programa, sundan ang @ItsShowtimena sa Twitter, @ItsShowtimeOfficial_IG sa Instagram, o i-like ang www.facebook.com/itsShowtimena.