EU_OSHA logo
Skont ir-riżultati, hemm tħassib kbir fost iċ-ċittadini Ewropej li l-kriżi ekonomika attwali tista' taffettwa b'mod negattiv is-saħħa u s-sigurtà fuq ix-xogħol, u b'hekk tpoġġi f'riskju t-titjib li huma jirrapportaw li raw matul dawn l-aħħar ħames snin. Bosta Ewropej iħossu wkoll li jinsabu infurmati tajjeb dwar is-saħħa u s-sigurtà fuq il-post tax-xogħol u jikkunsidraw li dan huwa fattur importanti meta jagħżlu xogħol ġdid.
Il-kriżi ekonomika tpoġġi pressjoni fuq il-ħaddiema Ewropej
Skont l-istħarriġ
Jukka Takala, Direttur tal-UE-OSHA, jirrikonoxxi l-isfidi li n-negozji jiffaċċjaw illum u jfakkarhom biex jinvestu fis-saħħa tal-ħaddiema tagħhom: "Il-kriżi finanzjarja tista' twassal lil xi organizzazzjonijiet biex jinjoraw jew inaqqsu l-importanza tas-saħħa u s-sigurtà fuq il-post tax-xogħol. Jeżisti wkoll riskju li l-kumpaniji jikkunsidraw inaqqsu l-investiment tagħhom fuq is-saħħa u s-sigurtà fuq il-post tax-xogħol (OHS). L-isfida għalina, bħala l-Aġenzija, hija li nikkonvinċuhom li ma jagħmilx sens li wieħed jiffranka għal żmien qasir biex imbagħad ikollu jħallas għal problemi fit-tul. Il-ħidma tagħna kollha turi li aktar mal-postijiet tax-xogħol ikunu tajbin għas-saħħa, aktar hemm tendenza li jkunu produttivi".
Is-sigurtà tas-salarji u tal-impjiegi hija l-aktar importanti
Hekk kif il-qgħad jiżdied, in-nies jistgħu jsiru aktar imħassba dwar is-sigurtà immedjata tal-impjieg tagħhom milli dwar il-kundizzjonijiet tas-saħħa u s-sigurtà fuq il-post tax-xogħol tagħhom. Meta ġew mistoqsija dwar il-fatturi deċiżivi meta jagħżlu xogħol ġdid, iċ-ċittadini tal-Unjoni Ewropea wieġbu li s-sigurtà tal-impjieg u l-livell tas-salarju huma aktar importanti minn kundizzjonijiet tax-xogħol siguri u tajbin għas-saħħa, li ġew fit-tielet post qabel is-sigħat tax-xogħol.
Tagħrif aħjar – kundizzjonijiet ta' saħħa u sigurtà mtejba
L-aħbar inkoraġġanti hija li n-nies fi ħdan bosta mill-Istati Membri (b'mod partikolari l-UE-15) iqisu ruħhom li huma infurmati sew dwar ir-riskji fuq il-post tax-xogħol u 57% minn dawk li wieġbu jemmnu li s-saħħa u s-sigurtà fuq il-post tax-xogħol tjiebu matul dawn l-aħħar ħames snin.
Differenzi bejn is-sessi
L-istħarriġ
Barra minn hekk, minn fost dawk li wieġbu hemm aktar irġiel li jemmnu li l-kundizzjonijiet tas-saħħa u s-sigurtà tjiebu matul dawn l-aħħar snin (62%) milli nisa (52% biss), u l-irġiel iħossu li huma aktar infurmati dwar kwistjonijiet ta' saħħa u sigurtà (71%) milli n-nisa (61%).
Jukka Takala qal: "Fil-fatt, hemm tendenza li r-riskji ta' saħħa u sigurtà għan-nisa fuq ix-xogħol ikunu sottovalutati u ttraskurati. L-inkompatibbiltà
L-UE-OSHA żvolġiet rwol essenzjali fil-promozzjoni tas-saħħa u s-sigurtà fuq ix-xogħol fi ħdan l-Ewropa għal aktar minn għaxar snin u ser tkompli tikkontribwixxi permezz tal-approċċ proattiv tagħha lejn it-titjib tal-kundizzjonijiet tax-xogħol. Il-Kampanja tal-Aġenzija bl-isem Postijiet tax-Xogħol li Jġibu Quddiem is-Saħħa, inkluża l-Ġimgħa Ewropea għas-Saħħa u Sigurtà fuq il-Post tax-Xogħol mid-19 sat-23 ta' Ottubru, hija l-akbar kampanja ta' tagħrif dwar l-OHS fid-dinja, u tinvolvi eluf ta' organizzazzjonijiet u ħaddiema minn madwar l-Ewropa.
L-istess stħarriġ jindika xejriet pożittivi f’Malta, speċjalment fil-livell għoli ta’ għarfien dwar is-saħħa u s-sigurtà fuq il-post tax-xogħol. Malta ġiet klassifikata fit-tieni post fost il-pajjiżi tal-UE f’dak li jirrigwarda l-importanza li tingħata lil fatturi deċiżivi relatati mas-sigurtà fuq il-post tax-xogħol meta wieħed ikun qed ifittex impjieg ġdid. Il-maġġoranza tal-Maltin stqarrew li l-livelli tas-saħħa u s-sigurtà fuq il-post tax-xogħol tjiebu tul dawn l-aħħar ħames snin (bi 72% tal-Maltin li wieġbu hekk, Malta ġiet fir-raba’ post fost il-pajjiżi tal-UE), waqt li kienu biss 17% dawk li qalu li dawn il-livelli marru għall-agħar. 41% tal-Maltin huma tal-fehma li l-kundizzjonijiet tas-saħħa u s-sigurtà fuq il-post tax-xogħol f'Malta se jiddeterjoraw minħabba l-kriżi ekonomika (imqabbla mal-medja Ewropea ta’ 61%). 59% tal-Maltin jikkunsidraw lilhom infushom bħala infurmati sew dwar ir-riskji relatati mas-saħħa u s-sigurtà fuq il-post tax-xogħol (imqabbla mal-medja Ewropea ta’ 66%).
Dr. Mark Gauci, il-Kap Eżekuttiv tal-OHSA-Malta stqarr li, “Waqt li wieħed għandu jkun prudenti meta jinterpreta r-riżultati ta’ stħarriġ relatat mal-opinijoni pubblika, ir-riżultati miksuba normalment jagħtu indikazzjoni tajba tas-sitwazzjoni attwali ta’ dak il-mument li jkun sar fih l-istudju. OHSA-Malta hi tabilħaqq sodisfatta li r-riżultati tax-xogħol sfieq tagħha bdew iħallu l-frott, u li issa hemm aktar għarfien dwar il-benefiċċji li joffru l-livelli għoljin tas-saħħa u s-sigurtà fuq il-post tax-xogħol. Dan minbarra l-fatt li hawn aktar informazzjoni disponibbli llum milli kien hemm ħames snin ilu (bejn wieħed u ieħor minn kemm ilha li twaqqfet l-OHSA-Malta)
Għal aktar tagħrif dwar ir-riżultati tal-Istħarriġ
Photo:
http://www.prlog.org/
